DOWNLOAD OUR APP

Read latest news on your phone
play-store app-store
app-store
Hripui ziaawm zel
Tinreng
Jul 09, 2023
6, July: India rama Covid-19 hmuh hmasak ber chu January 30,2020 kha niin Mizoram a hmuhchhuah hmasak ber chu March 24,2020 kha niin amah hi Netherlands atanga lo haw a ni. Mizoram mi leh sa, Covid-19 vanga thi hmasa ber chu May 3,2020 khan Kolkata ah a thi a ni. Covid hrileng vang hian Prime Minister chuan March 22,2020 khan Janata curfew a puang a, Mizoram sawrkar pawhin March 23 atang hian lockdown puangin dawr leh sumdawnna hmun te chu khar a ni. Hrileng vang hian kum 2020 leh 2021 ah te tum engemaw zat lockdown puan a ni.
 
Hri leng hi hun engemaw chen a ziaawm deuh hnuah kumin March thla vel atang khan hri kai an pung chho leh a. May 2023 ah phei chuan Covid-19 vang hian Mizoramah mi 7 an thi hial a ni. Kumin bikah chuan May thla kha Mizoramin hri a tawrh nat ber thla a ni a, June ah pawh hrikai hmuh chu la tam hle mahse a hma thla ngaihtuah chuan tlemin a ziaawm a. June thla chhung hian Covid-19 hri kai nia rinhleh mi 767 enfiahna atangin hri kai 116 hmuh a ni a, hei hi test atanga chhutin 15.12% a tling a ni. June thla ah Covid-19 vanga thi a an awm.
 
Mizorama Covid-19 hrileng buaipuitu Integrated Disease Surveillance Programme (IDSP) a State Nodal Officer Dr. Pachuau Lalmalsawma chuan hri leng chu a ziaawm chho hret hret niin Zalen a hrilh a. "Hri kai hmuhchhuah hi an tlem chho hret hret a, tuna kan hmuh te pawh lungkhama neih tul kan ti lem lo a, a vei te pawh hian an la na lutuk lemlo a ni," a ti. 
 
Tunhma anga umzui vak vak ang kha an ti tawh lemlo nia sawiin Dr. Pachuau Sawma chuan, "Test hum hum ang kha kan ti ta lemlo a, hetih lai hian in ringhlel te erawh kan test zel a. Tuna hri kai kan hmuhchhuah te hi chu inringhlel an ni zel a. A inenkawl dan pawh kan hre tlang tawha kan hriat avangin kan umzui lutuk lo a, fimkhur thu ah ni 5 chhung inkhung se kan duh a ni," a ti bawk.
 
Integrated Disease Surveillance Programme (IDSP) chhinchhiah danin nimin zing thleng khan Mizoramah IDSP chhinchhiah danin nimin zing thleng khan Mizoramah hri kai hmuhchhuah 2,39,552 awmin thihpui mi 734 an awm a, hri kai enkawl mek mi 6 an awm bawk.

Latest News & Chhiar Hlawh