February 14, 2023; Maubawk Branch YMA sangha humhalh chhung a sangha te man luih a ni a, a man tute erawh an bibo hman.

Thuchhuah an siam a an tarlan dain, ni 13.2.2024 tlai lam khan YMA in an humhalh chhungah sangha man ru an awm tih hriain, tlai dar 4:30 vel khan ramngaw leh nungcha Sub committee hruaitute sangha mantu te hi man tumin tlawngah hian an tlan thla nghal a.

Sangha man ru tu te hi an lo in sa seng hman a, zanlai thlengin chang mahse sangha mantute hi an lo lan loh vangin man an ni lo. Hengte hi an thil man sak te chu a ni.

1. Sangha - 14 (15kg vel lenkhanga tang mek)

2. Lenkhang - 3

3. Tube rubber board

4. Mau pum

Sangha man ru tute hi man chhuah an nih nan Fishery Deptt ah report an ni a, dan angin thubuai siam sak an ni ang.

Maubawk Branch YMA chuan hetianga humhalh chhunga sangha man leh Aizawl khawpui tui tlan ti bawlhlawh zawnga che te hi a dem tak zet a, man chhuah an nih chuan dan anga an chunga hremna lek anih a duhin a beisei tak zet a ni.

Lui tui,ramngaw leh nungcha humhalh na kawngah PHE department in an tawiawmna ah lawmthu a sawi bawk.