India-a coronavirus chhungril

Admin - Apr 13, 2021

State hrang hrangten hri leng thunun tumin inkhuahkhirhna an kalpui thar leh mek a. A kai leh thihpui an tam berna, Maharashtra-ah chuan Inrinni atang khan kartawp zela inkharkhip an kalpui tur chu an kalpui tan

India-ah hian darkar 24 chhunga hri kai nuai tlin tum vawi nga a nei tawh a, darkar 24 liam ta chhunga kai hi ni li chhung a zawna nuai chuang kai an awmna a ni tawh.

Ni nga lek liam ta chhungin mi nuai 6.16 chuang hri kai hmuh chhuah hman an ni a, hetih chhung hian Covid-19 avangin mi 3,335 zetin an thihpui hman bawk.

Invenna damdawi pek beihpui thlak mekah mi vaibelchhe 9.78 hnenah pek a ni tawh a. Hetih lai hian state tam tak chuan damdawi hi an tlakchham thu sawiin hmun thenkhat a pekna hmun an khar.

State hrang hrangten hri leng thunun tumin inkhuahkhirhna an kalpui thar leh mek a. A kai leh thihpui an tam berna, Maharashtra-ah chuan nimin atang khan kartawp zela inkharkhip an kalpui tur chu an kalpui tan.

Maharashtra-ah hian zan curfew leh kartawp inkharkhip an puan hian awmzia a nei lo a nih chuan state pum inkharkhip pawh puan a ngai dawn niin Health Minister Rajesh Tope chuan NDTV hnenah a sawi.

Delhi-ah chuan sikul leh college zawng zawngte thuleh awm hma chu khar a ni dawn tih Arvind Kerjiwal-a sorkar chuan Zirtawpni khan a puang.

Share now