Sana ngainatute tan chanchin lawmawm hriat tur a awm leh ta, October 15 atangin Apple Watch Series 7 chu India-ah lei theihin a awm dawn. 

He sana changkang zet mai hi October 8, Zirtawpni atang khan booking hawn a ni a, October 15 atangin an hralh chhuak dawn a ni. A man erawh a tlawm dawn lo - ₹41,900 atangin a intan ang. India rual hian - Australia, Canada, China, France, Germany, Japan, Mexico, Russia, South Korea, UAE,  UK, US leh ram dang 50 velah booking hawn a ni. 

Apple Watch Series 7 hi thla liam ta mai khan iPhone 13 series rualin tlangzarh a ni a, ngaihven pawh a hlawh hle nghe nghe. Tun lai thiamna sang tak hmanga thuam niin, faster charging support bakah GPS a chhawp tel bawk. 

Rawng chi nga - Green, Midnight, New Blue, Starlight leh Red te a awm dawn a, Flipkart-ah zawrh chhuah a ni ang.