DOWNLOAD OUR APP

Read latest news on your phone
app-store
India hmar lam khua vawt a vin, dil a khang, khaw hmuh chin a tawi
Jan 03, 2024

India hmar lam hmun zau tak chu thlasik khaw vawt vin takin a tuam mek a, Kashmir-ah phei chuan -5°C zet kaiin khawpui ber, Delhi pawh a vawh bakah zingah leh zanah chhum leivak chhah takin a tuam.


Chhum zing nasa avanga khaw hmuh theih chin a tawi em avangin rel leh thlawhna zin tur pawh a tibuai hle a, mi tam tak veivak tur a khaihlak phah.


India-a weather department chuan khaw vawt vin tak hian ni eng emaw zat a la awh dawn niin an sawi lawk.


Kashmir-ah chuan hmun lar tak, Dal Lake leh tui awmna thin hmunte chu a khang vek hlawm a, lawngleng a kal thei lo va, khualzin leh kal kai duh dangte an che thei lo.


Pipe-a tui kalte pawh a khang vek a, kawngpui pawh vurin a bawh nasat avangin a kal hleihtheih lo va, hei hian mipuite ni tin khawsakna a nghawng phak mek.


Khaw vawt tak leh chhum zing nasa avang hian India hmar lama rel tlan thin a tibuai hle a. Indian Railways hian ni tin mi maktaduai 23 vel zet a phur thin a, an rama inkalpawhna hmanrua ber a ni a. Khaw awm danin a zir loh avang hian rel tam tak chu an hun bi pangngai aia darkar tam taka tihtlai an nih hlawm avangin a chuang thinte an buai phah hle.


Delhi hi khaw vawt takin a tuam tel bawk a, hmun thenkhatah chuan 7°C laite pawh a ni hlawm a. Khaw vawt hi Delhi-ah chuan chenna in nei lo, khawlaia riak mai maiten an tuar na hle thin.


Khaw vawt hi hriselna nghawng thei a ni bawk a, a bik takin thlasika boruak bawlhhlawh takin a tuam thin, Delhi-ah phei chuan a nghawng nasa zual thin.


Chhum leivak zing nasa lutuk avang hian weather department chuan mipuite chu lirthei khalh fimkhur tur leh fog light hmang nasa turin an chah a. Rikrum leh pawimawh zual bik lovah phei chuan pawn chhuak lo turin an ngen a, pawna chhuah pawhin hmai tuam tha turin an ngen bawk.

India leh Myanmar Border Fencing
India leh Myanmar ramri hung tum chungchang hi eng nge i ngaihdan?
Hung hi tha ka ti lo
Hung se ka ti
Ngaihdan ka nei lo

Latest News & Chhiar Hlawh