India chuan kum 2040-ah thlaah mihring (astronaut) kah kai a tum tih sorkarin a puang.

An ram hian van thengreng lama tum an neih zingah kum 2035-ah space station neih hman an tum bawk.

Prime Minister Narendra Modi-an Thawhlehni khan an tum hi a puang a, scientist-te chu Venus leh Mars-a inkah kai dan tur dap turin a ngen bawk.

August thla khan India hi khawvela thla chhim tawpa boruaklawng tumtir hmasa ber a ni a, September khan ni zir chiangtu tur rocket a tir chhuak tawh bawk.

Indian Space Research Organisation (Isro) chuan Gaganyaan project buaipui mekin hei hi lei atanga km 400 vela hlaa mihring tirha khawvel kal hualtir hnuah a ram chin tuia tumtir leh an tumna a ni a. Inrinni hian space agency hian a enchhin dawn nghe nghe.

Inrinnia enchhinna a hlawhtlin chuan mihring an kah chhuah hmaa enchhinna hnuhnung atan van thengrengah robot an tir leh dawn a, kum 2024 kum tawpah mihring tirh chhuah an tum a ni.