India-in Pakistan-a missile a 'kah palh' chhui dawn
India chuan tihpalh thila Pakistan-a missile a kah luh chu uluk takin a chhui dawn a, hetiang thil hi a ngai thutak hle tih a sawi.
He thil hi March 9-a thleng kha niin India chuan a hnu ni hnihah chauh a hria a, ‘technical lama fel lo’ awm vangah a puh.
Defence Minister Rajnath Singh chuan Thawhlehnia parliament rorel inkhawmah ‘thil pawi tak’ a nih thu leh tumah thi an awm lo hlauh chu a lawmawm thu a sawi.
Ram pahnihte hi nuclear ralthuam nei ve ve ram an ni.
Pakistani sipaite chuan ‘thil thlawk chak tak’ chu an ram chhung khawchhak lama khawpui pakhat, Mian Channu bulah a tlak thu leh mihring phur thlawhna tana hlauhawm taka a thlawh thu an sawi.
Nuclear ralthuam che mai thei a nih laia India fimkhur lohna leh inthlahdahna chu demin, thil thlen dan chu tang duna chhui a phut.
Thawhlehni khan Singh chuan parliament thutkhawmah missile chu tih dan thin pangngaia maintenance tihna lamah missile unit endik laiin tihpalha kah chhuah a ni tih a sawi.
“A hnuah missile hi Pakistan ram chhungah a tla tih hriat a ni a. Rorelna inah hian sorkar chuan he thil hi a ngai thutak hle a, high-level probe-a chhui turin a ti nghal tih ka sawi duh a ni,” a ti a. “Chhui hnuah kah a nih dan tak hi hriat theih chauh a ni ang,” a ti bawk.
Pakistan air force chuan missile hi Mach 3 - ri aia a let thuma chakin metre 12,000 velah sanga, an ram chhung chinah km 124 vel thlawkin a tla niin a sawi.
“A kawng hi India leh Pakistan chunga national leh international passenger flight tan bakah a tlakna hmuna mite tan a hlauhawm hle a ni,” a ti.
A tukah Pakistani foreign ministry chuan India hnenah complain nghalin an chhuinaa an thil hmuh pawh hrilh ve turin an ti nghal.
Latest News & Chhiar Hlawh
-
1m | Mar 29, 2024
-
1m | Mar 29, 2024
-
2m | Mar 28, 2024
-
2m | Mar 28, 2024
-
1m | Mar 28, 2024
-
1m | Mar 28, 2024
-
1m | Mar 28, 2024
-
1m | Mar 27, 2024
-
2m | Mar 27, 2024
-
1m | Mar 27, 2024
-
2m | Mar 27, 2024
-
1m | Mar 27, 2024
-
1m | Mar 27, 2024
-
1m | Mar 27, 2024
-
1m | Mar 26, 2024
-
1m | Mar 26, 2024
-
1m | Mar 26, 2024
-
1m | Mar 26, 2024
-
1m | Mar 25, 2024
-
1m | Mar 25, 2024