ZALEN April 21, 2025 : 18.04.25, Zirtawpni khan Aspee L.M Patel Farmer of the Year Award 2022-ah Lalrinpuii w/o Jacob-a, Saikhamakawn C.P Road chu 'Woman Farmer Category - An Enterprising Woman Farmer in Vegetable Cultivation from North East Region' hlan a ni. Award hi Lok Sabha MP Shri. Shashank Mani Tripathi-a’n a hlan.

Lalrinpuii hi 2018 atangin Horticulture Department hnuaiah training te neiin, off season tomato a ching tan a, chuta tang chuan hlawhtling chho zelin award chi hrang hrang -

* Best State Farmer Award 2020-21 

* Best Horticulture Farmer Award (Aizawl district) 2022

* District Millionaire Farmer of India Award 2023 te hi a lo dawng tawh a ni.

Tun tuma he award dawng tur hian Horticulture Deparment in hmalak puiin, a nominate a. Award dawng tur hi India ram puma kuthnathawk tithate atanga thlan thin a ni a. Preliminary stage zawhah nomination scrutiny paltlang lehin Mumbai atangin a hmun ngeiah anmahni rawn kalin, kawng hrang hranga a hmalak dante enfiah a nih hnuah committee vawili paltlang lehin award dawng thei tur hian thlan a ni ta a ni.

He award hi Aspee Agricultural Research and Development Foundation, Mumbai in kumtin a hlan thin a, Covid-19 hnua an sem leh hmasak ber a ni. India ram puma kuthnathawk tithate chawimawi nana buatsaih a ni.

Farmer of the Year Award hi category pathumah pek thin a ni a.

* Horticulture Category

* Winter Farming Category

* Woman Farmer Category - 2022 atan - An Enterprising Woman Farmer in Vegetable Cultivation from North East Region

Heng category hrang hrang hi state pali - Karanataka, Gujarat, Mizoram leh Assam a kuthnawktute’n an dawng a ni.

Lalrinpuii award zuk dawnpui tur hian Horti. Department chuan Lalsangkimi, ADHO, Azl.Distt. chu a tir a ni.