ZALEN September 5, 2023 : ndia ram chhunga College tha tehna atana hman, National Assessment and Accreditation Council (NAAC) Accreditation tehna tihchhuah hnuhnung berah ah India ramah Mizoram college te chu chawhrualin an sang ber a, a hnaih tu state pahnih te chuan 13% laiin an pha lo.

NAAC Accreditation a ti tha state percentage tihchhuah thar berah hian Mizoram chuan  83% hmu in a hmu sang ber a, a hnaih bertu pahnihna Chandigarh leh Ladakh in 60% an hmu.

Tun dinhmunah H&TE Department hnuaia college/institutions valid NAAC Accreditation nei 19 an awm a. College kan neih ho zingah Grade A+ hmu - 1, Grade A hmu - 2, Grade B++ hmu - 2, Grade B+ hmu - 2, Grade B hmu - 8 leh Grade C hmu 4 an awm. Manipur university hnuaia college zinga NAAC grade hmu sang ber chu Rayburn College a ni a, anni hian Grade B++ an hmu.

A chunga tarlan ang hian RUSA Guidelines tharah NAAC accreditation valid neite chauh funding pek theih a ni a. Hei vang hian NAAC Accreditation valid nei Govt. College 19 ten RUSA 2.0 Grants hi an dawng ta a ni.

College 4- Govt. Mamit College, Govt. Saiha College, Govt. Saitual College and Govt. J. Thankima College te chu “Upgradation of Existing Colleges to Model Degree College Component” hnuaiah Rs. 400 lakh theuh pek an ni. Govt. College 15 ten Infrastructure Grants to College Component hnuaiah Rs. 200 lakh theuh an hmu bawk.