DOWNLOAD OUR APP

Read latest news on your phone
app-store

Inkahhai puan awmze awm lo, mipui insaseng thei lovin Russia-in kap zui

Mar 06, 2022

An ram sanaa chawhma dar 9:00 (India-a chhun dar 12:30)-ah inkahhai puan ni mah se a hnu darkar thum lekah Mariupol thuneitute chuan mipui inthiar chhuah kalpui tura tih chu kah an la nih reng avangin a hun an sawn leh tih a sawi. “Mariupol-a mite chu an tawmnaah awm leh rih turin kan ti a, inthiar chhuah hun tur chu sawi that leh a ni ang,” an ti. Mariupol leh a dai an la kap reng a, inthiar chhuah hun hi sawn a ni, an ti.

Inkahhai puan a nih hnuah pawh Russian sipaite chuan Inrinni khan Ukrainian khawpui pakhat, Mariupol chu nasa takin an kap chhunzawm a. Hei hian civil mite thiar chhuah tur pawh a tikhawlhkham nasa hle.

“Mariupol-ah ka awm a, khawlaiah ka awm a, minute thum dan lek lekah laipui puak thawm ka hria a ni,” tiin kum 44 mi, engineer, khawpuia cheng, Alexander chuan a sawi.

Mipui insaseng theih nana ruahmanna siam chu awmzia a awm lo niin a sawi bawk.

“Car-a inkhalh chhuakte pawh hmuh tur an awm a; mahse, an rawn let leh hlawm,” a ti.

An ram sanaa chawhma dar 9:00 (India-a chhun dar 12:30)-ah inkahhai puan ni mah se a hnu darkar thum lekah Mariupol thuneitute chuan mipui inthiar chhuah kalpui tura tih chu kah an la nih reng avangin a hun an sawn leh tih a sawi.

“Mariupol-a mite chu an tawmnaah awm leh rih turin kan ti a, inthiar chhuah hun tur chu sawi that leh a ni ang,” an ti.

“Russian-ten inkahhai lam an hawi lo va, Mariupol leh a dai an la kap reng a, inthiar chhuah hun hi sawn a ni,” an ti.

Russia chuan laipuia Mariupol an kah chungchangah hian engmah sawi an nei lo va, defence ministry erawh chuan civil mite erawh chuan Mariupol leh Volnovakha-a chengte chuan chhuahna tura ruahman lam an zawh lo niin an sawi a, Ukrainian thuneitute zawkin an chhuah lohna tur an ruahman niin a sawi tih Russian sorkar chanchinbu chuan a tar lang.

Hetih lai hian kum 27 mi, IT developer, Maxim chuan BBC hnenah Mariupol-a a awmna apartment building atanga video a lak thawnin city centre bula bomb puak a lang a, inthiar chhuahna tura tih, Zaporizhzhia panna kawngah ngei a puak niin a sawi.

“Missile thawm kan hria a, kan bul lawk lawkah a khu luai luai reng,” a ti a. “Kan apartment building pawh kan khat vek tawh a, khawpui lailia miten laipui laka himna an rawn zawng a ni,” a ti.

“Vei lam district atanga lo kalte chuan an awmna chu a chhe vek a, ruang pawh khawlaiah a let phung tih an sawi,” a ti bawk.

Khawpuia chengte hian an chhungte, an chin hriat loh mekte chu an thih an hlauthawng hlawm hle a, inngaihven tak siin chinchang an inhrilh thei hlawm lo.

Mariupol Deputy Mayor Serhiy Orlov chuan BBC hnenah Russia-in an kah zui reng tho avangin inkahhai puan chu a hlawhchham chiang hle tih a sawi.

“Russian-te hian laipui leh bomb-in min la kap reng a, kan mangang a ni,” a ti.

“Mariupol-ah hian inkahhai a awm lo va, chhuahna zawng zawng an kap a. Kan mite hi  chhuak turin an inpeih a; mahse, tihngaihna a awm lo,” a ti.

Share now