ZALEN, Apr. 27, 2025: Pathianni chawhma inkhawm khan Lalromawii (Mawitei) chu chau thutin a thi zui.

Tuikual North, Aizawla cheng, Mawitei hi kum 50 mi a ni a. Pathianni tuk khan an kohhran, Tuikual North Presbyterian Kohhranin Tuikual Pastor Bial Inkhawmpui an thlen mekah inkhawm tura biak in a lut chu a thut fel hnu lawkah a chau thut a, a thi zui ta mai a ni.

ZALEN-in Tuikual North Branch YMA hruaitute atangin thu a dawn dan chuan Mawitei hi a bul hnaia thute leh usher-ten bawihsawmin Ebenezer Hospital, Chawnpui an panpui nghal a, damdawi in an thlen hi chuan ‘a thi tih an lo nemnghet a ni deuh ber’ an ti.

A thih chhan tak hi damdawi in pawhin an hre sawi thei mai bik lo va, ‘heart attack’ a nih an ring tih YMA hruaituten chuan an sawi.

Mawitei hian a pasal, Vanlalvena leh a fate pahnih, mipa ve ve a thihsan a. Zanina lumen a ni ang a, Thawhtanni chhunah vuiin Tuikual thlanmualah phum a ni ang.