Ball hnih chiah a awm tawh tihin Rahul Tewatia chuan six vawi hnih a hlap chhuak a, Shubman Gill-a'n IPL a khelh tawha run a hmuh tam ber tum a tawn zanah Gujarat Titans chuan wicket 6-in Punjab Kings an hneh. 
   

Zirtawpni zan inkhelhah hian Liam Livingstone chuan ball 27-ah run 64 a hlap chhuak a, run 4 tum sarih leh run 6 tum li vaw chhukin Punjab Kings te chuan wicket 9 hloh-in run 189 an nei. Gill-a'n ball 59-ah run 96 a hlap chhuak bawk. A partner Sai Sudarsan nen run 101 an thawk chhuak thei. Titans tan an star spinner Rashid Khan chuan wicket pathu a la a, ILP a vawi khat khelhna medium pacer Darshan Nalkande pawhin wicket 2 a la ve bawk. 
   

Zirtawnni zana Punjab Kings an khelh hi ILP khelh meka an match thumna niin Gujarat Titans hian hneh loh an la tawng lo. 
   

Toss-a chaklo zawk Punjab Kings te chuan vaw hmasain over 20-ah wicket 9 chanin run 189 an siam thei hram. Kings tana chetha deuh te chu Liam Livingstone run 64, Shikhar Dhawan run 35; Rashid Khan wicket 3 leh run 22. Gujarat Titans hun a thleng ve ta, an star batsman Shubman Gill chuan run 96 ngawt mai a rawn hlap chhuak. Sai Sudarsan run 35 leh Kagiso Rabada wicket 2 leh run 35 te chu chetha zual niin over 20 chhungin run 190 an siam a, wicket 4 chiah an hloh. 
   

Kings captain Mayank Agarwal a che tha lo run 5 siamin a thi, Shikhar Dhawan chuan run 35 a siam thei. Jonny Bairstow rawn lut vein a chetha bik lo, run 8 chiah a siam hman. Titans star Shubman Gill chuan century siam lo deuhin run 96 a siam a, a dinpui Matthew Wade-a'n run 7 chiah a siam thung. 
   

Table-ah match li khel tawh Kolkata Knight Riders ten point 6 hmuin hma an hruai mek a, match thum khelha chak vek Gujarat Titans ten point 6 tho hmuin an dawt, match li khela tum khat chak tawh lo Lucknow Super Giants te pathumnaah awmin point 6 an hmu ve bawk a, match 4 khelha tum 2 chak tawh lo Punjab Kings ten point 4 hmuin parukna an hauh thun.