ZALEN April 24, 2025 : Gurugram, Haryana-a khelh zawh tak ITF MASTERS-100-ah Joseph Z. Khuma chuan 35+ Category-ah 2nd seeded Reagan Rathore chu 6-2,6-3 a hnehin a champion.

Joseph Z. Khuma hian Tennis hi a luhchilh rei tawh a, amah hi Coach niin New Delhi-ah pawh Tennis Academy a nei. An chhungkua hian Aizawl-ah Tennis Court (Synthetic Rubberised Court) tha tâk an nei a ni.

Joseph Z. Khuma hi Basil Khûma û a ni a. A nâu Basila pawh hi Mizo zinga Tennis a thleng sang ber a ni a, All India Junior No. 1a ni tawh a, Men's Ranking ah pawh No. 29 a ni tawh a ni.

Joseph Z. Khuma te chhungkua hi Tennis thiam chhungkua an ni a, Joseph-a û fapa, Bawihpuia pawh National Level Under-14 Tournament-ah nikum 2024 khan a lo champion tawh a ni. Tin, an chhungkua hian Rangvamual, Aizawlah Tennis Court tha tâk an nei a, an pa ber chu Herman S. Khuma niin, Aizawl Zonuam-a awm an ni.