ZALEN March 28, 2025 : Vawiin khan Jail Inspection Team te chuan Aizawl-a Jail hrang hrang District Jail, Central Women Jail leh Central Jail- ah te naupang tang an awm leh awm loh enfiah in inspection an nei.

District Jail, Aizawl ah naupang ni a inchhal tang pakhat a awm a, amaherawhchu Birth Certificate a nei/kawl mai lo a, a chhungte Burma a chengte hnen atanga lo dil turin thurawn pek a ni a, a bak chu Jail ah naupang tang dang an awm lo. Naupang ni a inchhal hian Jail chhungah kum a tling niin a insawi a, thil sual ti a puh anih hun lai erawh hi chuan kum 18 a la tling lo niin a sawi.

Jail Inspection Team te hian thla thum danah naupang tang an awm leh awm loh enfiah in jail hrang hrang te hi an tlawh thin a, Juvenile Justice Board Aizawl a Principal Magistrate in Team hi a ho a ni.