August 8, 2023; Ruihhlo (Heroin) vanga excise department-in an man Rabul Uddin Lasker (23), Chemphai chu tun Pathianni chawhma khan Kolasib District Hospital Isolation Ward atangin a tlan chhuak.

Kolasib Aw in a tarlan danin, Rabul Uddin Lasker hi a dam loh avangin Kolasib District Jail atang hian Nazareth Nursing Home-ah dah a ni a, heta tang hian District Hospital Isolation Ward-ah sawn leh a ni.

Damdawiin ah hian police ten an veng zui zel a, mahse Isolation bathroom-a intifai tura a lut chu bathroom thir bar kar atangin a tlanchhuak a, a tlanchhuah thu hi hriat a nih veleh zawn nghal niin police gate zawng zawng pawh khar vek a ni chungin tun thlengin man a la ni lo.