Japan hi khawvela ram changkang berte zinga mi an ni a, a mi chengte pawh an dam reiin an hrisel hle. A bikin an hmeichhiate an slim nalhin an lang upa har bik em em a, hei hi eng nge a chhan ni ang tih chu mi tam tak zawhna a ni.

Hei hi a bulpui ber chu an hnam kalphung leh chin danin a hrin chhuah niin, khawvela hnam anga dam rei ber nihna an hauh theih phah a ni. Japan mipuite tum ber chu an hnam chawikan a ni an lo ti thin a, an taimain an thawkrim em em a, ram lian tak ni lo mahse ram changkang leh ropui berte zinga mi chu an ni chiang e. 

Japan hmeichhiate lan nalh leh tar har chhan nia mithiam ten an sawi lan zinga langsar tak pakhat chu green tea an in nasa hi a ni. Japan-ah hian green tea an uar em em a, hriselna atan a tha hle tih hai rual a ni lo. Green tea hi kum zabi 18-na lai atang khan China-ah an uar tan a, tunah chuan khawvel hmun hrang hrangah a lar tawh hle. 

Japan hmeichhiate chuan green tea hi hriselna atan a tha tih hriain an in uar hle a, a that zia hi an taksa lan dan atang pawhin a hriat theih awm e. Tin, green tea nitin no 2/3 in hian - stroke, diabetes, heart disease leh Alzheimer a veng thei tih mithiamte chuan an sawi bawk. 

Japan mipuite khian fermented food - sauerkraut, kimchi, yogurt, tempeh, pickle leh miso soup an ei nasa hle bawk a, thlai um an ei uar viau bawk. Chaw leh thlai lam chi thenkhat hi chu umin taksa tan a tha zawk a, paitawih a awlsam bakah vitamin A leh C a titam niin an sawi. 

Japan hmechhiate hian lui lam sa (sea-food) an ei nasa hle bawk a, an taksa timawitu ber pakhat a ni. A hrisel avangin taksain a ngeih a, an ei tur hrang hrangah an telh nasa hle a ni. 

Ei leh in lam an tih that tluk zet hian taksa sawi zawi lam pawh an ngaipawimawh a, an damreina chhan pakhat pawh a tih theih awm e. Kea kal an uar em em a, Buddhist sakhaw zuitute phei chuan sakhaw thilah an ngai hmiah a ni. 

Japan mipuiten thil chin than an neih tha tak pakhat chu Martial Arts an ngaipawimawh hi a ni a, taksa hriselna atan a tha tih hai rual a ni lo. An healthcare system tha lutuk hi sawi tham fe a tling bawk a, ram mipui an hriselin an dam reina chhan bulpui ber pakhat a ni. 

Heng kan tarlan hrang hrangte avang hian Japan mipuite hi an hriselin an dam rei em em a, an hmeichhiate pawh an nalhin an lang upa har bik a ni.