Tourist te tan visa ngai loin Japan a tlawh theih dawn a, October 11 atangin an inhawng tan dawn a ni. Visa a ngai lo a, Covid vaccine dose lak full leh negative result a tawk mai. Japan sawrkar hian khualzinte hipna turin ruahmanna an siam thiam hle mai a, visa ngai lo ringawt pawh hian mi a hip khawp tam khawp ang le. 

Hei bakah hian an Prime Minister Fumio Kishida chuan domestic travel incentive scheme an duan thu a puang cheu bawk. An ram mite ngei ngei tan pawh hamthatna an siam a, sport, concert leh thil danga kalte chu 11,000 Yen (£69; $77) subsidy an siam hem mai!

Japan chuan hripui len hma kum 2019 khan kum khat chhungin khualzin mi maktaduai 32 zet a nei. Hripui leng avanga rei tak an inkharkhip hnuah October atang hian khualzinte tlawh pawh theihin an inhawng leh dawn ta a - Covid-19 vaccine lak erawh a ngai thung.  

Japan hi khawvela khualzin tlawhtu ngah ber zinga mi a ni a, an ram economy siam thatu ber pakhat a ni nghe nghe. Mahse Covid-19 len hnuah erawh an sum lakluh nasa takin a tlahniam a, an ram pawisa Yen hlutna a tlahniam nasa hle. Hei vang hian khualzinte tlawh theih turin an inhawng leh dawn ta a ni.