Kan ramin a mamawh ber chu sum enkawl thiam - John Siamkunga
![](https://zalen.s3.ap-south-1.amazonaws.com/images/news/1721992845_Siamkunga.jpeg)
Aizawl July 26, 2024 : Vawiin khan Congress party chuan Congress Bhavan, Aizawl-ah Friday political session an hmang a. He huna thusawitu MPCC Adviser John Siamkunga, Ex MLA chuan, "Kan ramin a mamawh ber chu sum enkawl thiam a ni," tiin a sawi.
John Siamkunga chuan, "Kum 2008-ah kan sawrkar a, rethei takin bul kan tan a, VIP quota zawng zawng kan surrender a, mi hriat phak bakin kan tuar ve a ni. Kum 2018 kan thlen meuh chuan Mizoram hian sum lama harsatna kan tawh thin chu kan sukiang thei a, Finance Commission pawh an lawm hle a ni. Kan sawrkar chu a tla ve leh ta a, party dang an rawn sawrkar a, Mizoramin sum lamah harsatna nasa tak kan tawk chho leh ta a ni," a ti.
"Tunah ZPM an sawrkar ve leh a, kum khat em pawh an la sawrkar hmain sum tam tak an puk belh a, Mizorama la thleng ngai reng reng lo, kan budget 14412 crore a nih laiin 14034.76 crore ba kan nei thei hi a mak hle a ni," a ti bawk.
"ZPM hian year of consolidation kan hmang an ti a, hei pawh hi kan hrethiam lo. Sawrkarin leiba kan ngah em em laiin a hotu chinin board chairman te, Adviser to CM te, consultant leh a dangah nihnate an in thei sem a, inrenchemna an kalpui dan hi thil mak tak a ni," a ti
"Airport hralh an tum pawh hi eng nge a chhan kan hrethiam phak lo. RTI atanga a lan danin Airport atang hian kum khatah Rs. 19,66,44,228 kan hlep a, sumdawnna ropui tak a nih laiin engvanga hralh tum nge an nih?," tiin zawhna a zawt.
Tuna kan CM zahawm tak Pu Lalduhoma hian, "Keini kan sawrkar hunah chuan kum 10-15 chhung repair ngai lovin kawng kan siam dawn,' a ti a, hei pawh hi kan en dawn a ni," tiin a sawi bawk.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024