ZALEN June 24, 2024; Nizan dar 9 bawr vel a Lawngtlai Vengpui a kangmei chhuakah hmeichhe pahnih kum 76 mi leh kum 70 mi an kang hlum.

He in kangah hian nu ber Sungtiali (Kum 76 vel) leh a pasal farnu Darhliangi (Kum 70 vel) chu vanduaithlak takin an kanghlum a ni.

In kan chhan hi chiang taka hriat ni rihlo mah se mombati chhit atanga intan ni a rin a ni.

LADC a CEM mawhphurhna la mek tu Lalropuia Chinzah Executive Member chuan, Lawngtlai Vengpuia vanduaina thlenna hi a tlawh a, Lawngtlai Vengpui Branch YLA hruaitute hnenah Thingpuilumna atan Rs. 5,000/- leh Silpouline 2 a hlan a, chhiat tawk chhungkuate hnenah tawrhpuina Rs.5,000/- a hlan bawk.

Dr. Lalpekliana Chinzah, MLA, Lawngtlai East pawhin, chhiatna thleng pawi a tih thu leh a tawrhpui thu a sawi a, in neitupa ber Thangnawna pawh a thinlung taka a tawrhpui thu te, chenna in tur a neih leh thuai theih nan a hma a lak sak tur thu a sawi.