Pakistan chhim lama Karachi khawpuia bazarpui kangah mi 10 vel an thi niin thuneitute leh tual chhung chanchinbuten an tar lang.

Inrinnia kangmei a chhuahna bazar hi chhawng sang tak, RJ Mall niin sumdawnna hmun lian tak a ni a, call centre leh software firm te pawh an awm bawk.

Karachi Mayor Murtaza Wahab Siddiqui chuan kangmei avang hian mi 10 vel an thi a, mi 22-in hliam an tuar bawk niin X-ah a tar lang.

Kangmei hi thelh nghal thuai a ni a, a hmu hmasaten a hmunhma vel tihdaih hna an thawk nghal bawk niin a tar lang.

Tual chhung chanchinbute chuan thi hi an la awm belh mai thei niin an tar lang.

Tual chhung broadcaster Geo News chuan Pakistan-a mihring cheng an tamna ber leh sumdawnna khawpuia Rashid Minhas Road-a kangmei chhuak hi zing hma takah a nih thu an puang.

Kang thelhtuten mi 50 chuang an chhanchhuak a, a chhunga tang zui eng emaw zat an awm bawk.

Tual chhung news website Dawn chuan damdawi in hrang hrangah ruang 10 lak a ni tawh tih police surgeon Summaiya Syed chuan a sawi a, a tam ber hi Jinnah Postgraduate Medical Centre (JPMC) panpui an nih thu a sawi.

Hliam tuar zinga thenkhat pawh damdawi inah dah an ni tih tual chhung chanchinbuten an tar lang hlawn.

Kangmei chhuah chhan tak hi hriat a la ni lo va, thuneitute chuan chhuia a chhan hriat chhuah ngei an tiam.

Chhanchhuah hna thawh a nih lai hian a chhehvel kawngpui chu thianin veivah nana tih a ni.

Sindh province Governor Kamran Tessori chuan Karachi commissioner hnen atangin thil thleng report a beisei tih X-ah a tar lang.