Kawngpui chhiat vanga lungawi lohna lantirin Chawngte ah kawng zawh
Tualchhung
Sep 05, 2023
ad
ad
September 5, 2023; Chawngte a Mizo leh Chakma tlawmngai pawl hrang hrang intel khawm chuan Chawngte khawchhung kawngpui chhiat avanga lungawi lohna lantir nan nimin khan kawng an zawh a, mi 500 chuang kawngzawhah hian an tel.
 
Chawngte football ground atanga SDO office thleng kawng hi an zawh a, pawl hrang hrang aiawh ten thu an sawi a, Chawngte hi kawng hrang hrangah ngaithah a ni an ti a, kawng chungchangah an chan tur leh a nih dan tur ang an ni phalo fo thin tih sawi bawkin, Mizoram sorkar chuan an dinhmun harsat zia hria se, ngaihsak ve se an duh a ni an ti.
Hei bakah hian an khawtlang thatna tura hmalak naah NGO chauh nilovin, CADC sorkar pawhin theih tawp chhuah ve rawh se an ti a, kawng siam tha tur hian CADC hian hma a la tawk lo ni a an hriat thu an sawi.
 
Kawngzawhah hian mipuite chuan sorkar na taka nawrin kawng siam a ni nih loh chuan inthlan thlenga a nghawng tur thu an sawi a, ‘No road, No vote, No election’ tih thuziak te an keng tel a ni.
 
All NGO kal khawmte chuan Mizoram sorkarah Chawngte SDO (C) kaltlangin memorandum an thehlut nghal bawk.
 
An Memorandum ah hian kawngpui chhiat avanga Chawngte mipui harsatna tawh mek tarlangin, School leh College Zirlai ten nitin zirna in an pan naah harsatna an tawk reng a, chhungkaw hrang hrang eizawnna leh lirthei hmanga eizawng te pawhin harsatna an tawk reng bawk a, chuvangin Mizoram sawrkar leh CADC sawrkar in chak takin hma la se an duh thu an tarlang a ni.

Latest News & Chhiar Hlawh