Badminton mipa player ropui thlan danah hian an career-a an chak leh tlawm record te, Championship lian thama an chak tam dan te, Olympic-a an chetthat dan te leh court chhunga an skill neih dan thlenga en a ni. 
    Khawvel mipa badminton khel zingaa ropui 5 te chu an hming leh an lawmnan dawn tawh te kan han tarlang dawn a ni. 

1. Lin Dan (China)
2. Lee Chong Wei (Malaysia)
3. Taufik Hidayat (Indonesia)
4. Rudy Hartono (Indonesia)
5. Morten Frost (Denmark)

He list-a lang ve phak chiah lo, hming thang em em si chu Peter Gade (Denmark) leh Viktor Axelsen (Denmark) te an ni.

1. Lin Dan 
# Kum 28 a nihin international championship lian tham pakua-ah a champion thei.
# World Badminton Championship-ah gold medal panga lain World Cup-ah vawi hnih a champion bawk.
# Olympic leh Asian Games-ah gold medal vawi thum ve ve a awrh haw tawh.
#China flagship television chuan kum 2010 khan 'Male Athlete of the year' ah an thlang.

'Super Dan' tia hming lem an phuah hi Chinese badminton thiam ber a ni mai lo va, khawvel pum huap pawhin amah aia ropui han thlan leh chuan tur an awm lo. A chak duh luatah huai takin chhiat palh huama thil a tih thin vanga hriat hlawh a ni a, a khelhpuite tana harsa tak tura ball dah a thiam vangin khelh a harsa em em a ni. 

2. Lee Chong Wei
# Kum 4 dawn lai world ranking number a ni thei.
# Commonwealth Games-ah tum 4 zet gold medal a la. 
# Olympic Games-ah silver medal tum hnih a awrh tawh.
# Malaysia rama mipa infiammi ropui ber 'Penang Sports Award' ah tum 6 thlan a ni tawh.
# Badminton World Federation ten 'Player of the Year' a tan tum 4 an thlang tawh.
   

Lee Chong Wei hian a naupan lai hun eng emaw chen chu basketball a khel thin a, mahse a nu-in infiamna hlauhawm leh inhliam palh theih a nih vangin khelh a phal ta lo. Hemi hnu hian game inhliam hluhawm loh zawka ngaih Badminton chu khel chho tanin alo timi phian a. Khawvel player ropui ber list 2-na a luah phak ta hial a ni. Cancer a vei tih an hriat chhuah hnu kum 2019 khan a chawl chauh a ni. 

3. Taufik Hidayat
#Indonesian Open Championship champion tam ber record siamin tum 6 a champion.
# International title 27 zet a vaw chhuak.
# Shuttle cock smash kawh ber record siamin darkar khata mel 190 a chakin a vua. 
# Asian Championship-ah gold medal 3 a la.
# 2004 Athens Olympic Games-ah khan men's singles-ah gold medal a la.
   

Khawvel badminton thiam leh ropui ber pathumna a thlan Hidayat hi Indonesia player zingah chuan a ropui ber a, an vanglai hi Lin Dan-a te nen inrualin World Championship-ah pawh an inhmachhawn fovin, a hneh ve fo a ni. 

4. Rudy Hartono
#All England Badminton Championship-ah tum 8 zet a champion.
# Professional player anga a khelh hmasak ber kumin International Badminton Federation World Championship title a la thei. 
# 1972 Munich Olympic Games-ah a champion.
# Thomas Cup-ah gold medal tum 4 a hawn.
# International tournament-a champion thei naupang ber a ni.
   

Rudy Hartono hi Indonesian tho niin Hiyadat-a te lar chhuah hma 1960-1970 bawr vel a player ropui thin a ni. Khawvel athletes ropui ber zing a chhiar tel a ni fo. 

5. Morten Frost
# World ranking-ah a zawnin kum 12 chhung top 3-ah a awm.
# A badminton khelh vanglai chuan International badminton tournament-ah kum tin vawi khat tal chu a champion ve ziah anga ngaih a ni. Mahse World Badminton Championship-ah erawh a champion miah lo thung. 
# All England Badminton Open-ah tum 5 inlanin tum 4 a champion.
# 2016 khan Europe mi Badminton Hall of Fame a lakluh 4-na a ni. 
# 80's tir lam vel khan European player zingah kum 5 chhung hneh thei an awm lo.

    Frost-a thil hriat pawimawh leh thuruk tak pakhat chu tournament lian thama champion dan kha a ni awm e. A hming lema 'Mr. Badminton" tih an phuah Frost hi khawvel shuttler ropui ber zinga chhiar nichunga vawi khat mah World Badminton Championship-a champion lo awmchhun a ni bawk.