August 29, 2022; Mizoram in khualzin hip tur hmunhma tha a nei chungin, a bikin foreign atanga Mizoram rawn tlawhtu an pung mawh hle a, tunhnai kum 2 chhungin Mizoram rawn tlawh mi 209 chauh an awm a, ramchhung (domestic) atanga Mizoram rawn tlawh erawh kum hnih chhungin mi 80,183 an awm.

Tourism department chhinchhiah danin, kum 2020-21 chhung khan foreign atanga Mizoram rawn tlawh mi 90 chauh an awm a, domestic erawh mi 20,474 an awm. Kum liam ta 2021-22 chhung khan foreign atanga Mizoram rawn tlawh mi 119 awmin, domestic 59,709 an awm a, hetianga Mizoramin foreign atanga khualzin a neih tlem nachhan hi Covid 19 hripui len vang ni pakhat a ngaih a ni.

Covid hrilen hma kum 2019-20 ah khan foreign atanga Mizoram rawn tlawh mi 2,143 awmin, domestic 1,59,534 an awm a, 2018-19 ah foreign atangin mi 1,644 leh domestic 88,122 an awm, 2018-18 ah foreign atangin mi 1,155 leh domestic 68,679 an awm.

Tourism department in tour guide atana a pawm leh license a pek mi 89 awm tawhin, chung mite chu Mizoram hmun hrang hrang a mite an ni a, tourist destination a puan 164 awm bawkin, chungte chu Siaha district ah 4, Serchhip district ah 23, Sairual district ah 11, Mamit district ah 25, Lunglei district ah 17, Lawngtlai district ah 5, Kolasib district ah 10, Khawzawl district ah 9, Champhai district ah 18, Aizawl district ah 30 a awm.