May 21, 2023; Chanmari Local Council, veng chhunga tlawmngai pawl leh kohhran hrang hrang aiawh kalkhawmte chuan May ni 18, 2023 (Ningani) zan khan Chanmari YMA hall ah joint meeting an nei a, in lama mitthi vui thin chu kohhran hall ah vui vek tawh se tiin an rel.

Pawl hrang hrang kalkhawmte hian mitthi vuina hmun chungchangah hetiang hian thu an rel a ni :

1. Chanmari venga mitthi, in lamah kohhran in a vuina hun a hman thin chu inlamah invui tawh lovin mahni awmna kohhran hall ah invui vek tawh nise.

2. Mitthi vuina atana kohhran hall a remchang lo palh a nih chuan Chanmari YMA hall ah invui nise.

3. Mitthi vui hi kohhran serh leh sang pawimawh tak a nih avanga kan khawsak dan a lo danglam tak zel avangin joint meeting chuan he thurel hi kohhran tina member te leh veng mipuite tana tha ber tur niin a hria a, zawn theuh turin a ngen.

4. He thu rel tun atanga hman tan nghal tura  rel niin, thurelte hi kohhran tinah puan tur a ni.

He meeting ah hian Chanmari Local Council, Chanmari Branch YMA OB leh MHIP, MUP, Chanmari veng chhunga kohhran hrang hrang, Presbyterian, BCM, Salvation Army, UPC (NEI) leh Weslyan Methodist Church aiawhte an kal.