June 19, 2023; Nimin, Pathianni zing dar 1- 2 khan Kawrthah leh Rengdil inkarah Kuhva chinga eizawngtu mipuite'n dan lova Kuhva tawlhruk mortor lian trip 2 an man. Heng motor liante vil vengtu leh Kuhva neitu pawh man tel a ni.

Kuhvah ro an man hi Qtls.144 vel nia chhut a ni a, a phurtu Truck (Ashok Leyland) Reg.No. MZ 01U 9525 khalhtu Laldanmawia S/o Lalrozuala hi Tuikual S a awm niin, Kuhva a phurh hi Champhai lam atanga lokal, Truck terminal a dah, driver a theih zui tak loh avanga inhlawha rawn khalh chhawk ta niin a insawi.

Truck dang (Tata), Reg.No. MZ 05 4017 neitu leh khalhtu hi Vanlalnghaka S/o Lalmalsawma niin, Bawngkawn Hmar venga awm a ni. Driver 2 te hi dan phal loh Kuhva phura Khawthlang lama an kal vawi khatna ve ve a ni.

       Heng Motor 2 te vilveng (escort)-tu, Car var (Wagon R) Reg.No. MZ 01K 4332 khalhtu Lalmuanawma, Luimawi pawh man nghal a ni. Muanawma hi, hmanni lawka BSF te'n Kuhva an mansak  tak leh Godown neitu kha a ni a, Ashok Leyland in a phurh pawh hi a ma Kudam a dah tur a nih zawhchhuah a ni bawk.
  
Heng Kuhva ro man leh a phurtu lirthei chungchang hi ngun taka sawi ho a nih hnuah Police kuta hlan a ni a. Champhai lam atanga rawn kal zel a nih avangin Custom lamah pek zui nghal a ni.