July 13, 2023; Hachhek Bial Kuhva Chingtu Pawl (HBKCP) leh Taitesena Group YMA chuan, Union Minister of State, Ministry of Agriculture and Farmer's Welfare, Govt. of India, Sobha Karandlaje hnenah, dan lova kuhva ro tawlh ruk chungchang leh harsatna an tawh dangte zirchianga, tanpuina awm theite pe tura ngenna nimin July ni 12 khan ziakin an thlen.

HBKCP leh Taitesena Group YMA aiawhin Vanlalruata Pachuau chuan Union Minister hi huna chep tak karah Lengpui Airport ah hmuin, Hachhek tlangdunga Kuhva tam hri (Yellow Leaf Disease - YLD) chungchanga zirchianna nei tur leh he tlangdung Kuhva chinga eizawngtu te harsatna sukiang a tanpui turin ngenna hi a thlen a ni.

Sobha Karandlaje chuan ama awmna State Karnataka ah pawh hetiang harsatna hi an lo tawrh nasat tawh thu lo sawiin, a lo hrethiam hle a, YLD in Mizoram a lo tuam thleng ta leh Farmer ten an tuar ve ta chu pawi a tih thu lo hrilhin, District Bawrhsap leh Concerned/Nodal Department te'n zirchiangin ministry lamah report siam se, theihtawp lo chhuah pui a intiam a ni.