June 23, 2023;  Tukin khawvar hma khan Kawrthah leh Rengdil inkar ah kuhva ro phur truck pahnih a kang a, truck khalhtute an tlanbo a, tute hal nge tih pawh hriat theih a la ni lo.

ZALEN thudawn danin, truck kan hun hi chiang taka hriat theih a ni lo a, police lamin an rin danah chuan tukin zing dar 2 bawr chho vel a ni.

Lirthei kangte hi Assam registration ve ve niin, a khalhtute pawh hnamdang an nih rin a ni a, Kawrthah police te chuan he thu ziahlai thleng hian driver te chin hi an la hre lo a, tute hal nge tih pawh hriat theih a la ni lo.

Hetihlai hian Hachhek Bial Kuhva Chingtu Pawl (HBKCP) te chuan vawi engemawzah dan lo a kuhva ro tawlh an lo man tawh a, hemi vang hian mipui thinrim in engtiklai pawhin kuhva ro tawlh veng hian duty an kalpui deuh reng nia hriat a ni.