Kuhva ro tawlhruk tum truck 4 man : Driver te an tlanbo

ZALEN April 14, 2025; Nimin Pathianni tlai khan Vairengte kuhva Society hruaitu te chuan dan lova kuhva ro tawlhruk tum truck pali Vairengte a taxation dept. data entry centre a an din tir chu an enfiah.

Thu lakna in a tarlan danin, heng truck pali te MZ 04 9474, MZ 04 A 0306, MZ 04 A 3464, MZ 04 A 6509 hi Champhai registration vek an ni a, tun thla ni 10 zingkar a Vairengte checkgate paltlang tum nia hriat niin, police checkgate an thlen hmain Vairengte dai a taxation data entry centre ah din tir niin, motor khalhtu te hi an tlanbo nia hriat a ni.

Vairengte kuhva society hruaitute sawi danin, sawrkarin kuhva ro tawlh khapna thupek a chhuah reng chung pawhin, tunlai hian a rukin kuhva ro tawlh hi a kal reng niin an sawi a, tun tuma truck pali ngawtin Vairengte checkgate paltlang tum man a nih avang pawh hian a chiang hle a ni an ti. Hemi kawngah hian sawrkar pawhin nasa leh zuala tan lak angai ani tih an sawi bawk. 

Hemi chungchang hi Vairengre police pawh hriattir an ni tawh bawk.