Aizawl February 11, 2024 : Mizoram ah kum 2018 atanga kumin 2024, January chhungin chenna in kang 242 a awm a, bungraw kang chhia hlutna Rs. 70,27,05,842 hu tlingin, nunna chan mi 18 an awm.

Fire & Emergency Services hotute hnen atanga ZALEN thudawn danin, kumin 2024, January thla chhung khan Mizoram ah chenna in kang chhinchhiah 4 a awm a, chungte chu Aizawl fire station ah 3 leh Champhai fire station ah 1 te an ni. Kang chhia hlutna Rs. 79,00,200 hu a tling a, nunna chan an awm lo.

Kum 2018 atanga kumin 2024 thleng a kangmei chhuah tam ber kum chu 2021 niin, hemi kumah hian in kang 71 awmin, ram kang (forest fire) 199 awmin, kang chhia hlutna Rs. 26,92,60,507 hu a tling.

Kangmei chhuah tlem ber kum chu 2019 niin, in kang 28, ram kang 16 awmin, Rs. 1,39,15,930 hu bungraw kang chhia a awm. Hetihlai hian kum 2022 ah kangmei vanga nunna chan mi 15 zet an awm.

Mizoram ah fire station 14 a awm mek a, chung zinga fire station 5 te chu Aizawl khawpui chhung a awm niin, Kolasib, Serchhip, Champhai, Lunglei, Tlabung, Lawngtlai, Siaha, Mamit leh Vairengte ah te fire station a awm bawk.

Kangmei chhuah dan : MIZORAM

Kum    In kang    Ram kang   Nunna chan   

2018    37    56        

2019    28    16    3

2020    37    131

2021    71    199 

2022    34    44    15

2023    31    140 

2024    4    1   -