ZALEN April 3, 2025 : Kumin-ah ASF avangin vawk thi hriat theih chinah 646 a awm tawh a, heng bakah hian suat 114 an awm tawh bawk a, heng vawk thi leh suat te hi Lawngtlai district -a khaw 13 leh Zawlnuam, Mamit district a mi te vek an ni.

Vawiin khan ASF avanga vawk thi hi 32 an awm leh a, heng zinga 28 te hi Lawngtlai district-a mi te an ni a, pathum chu Zawlnuam-a mi a ni. Vawiin hian vawt suat report a awm lo.

Lawngtlai district-a vawk thi te hi Bungtlang South-a vawk thi 136 tih loh chu Lawngtlai khawpui huam chhunga veng hrang hranga mi te an ni a, vawk thi 646 zinga 567 te hi Lawngtlai district a mi niin, 79 hi Zawlnuam, Mamit district-a thi an ni.