Kylie Jenner leh a kawppui Travis Scott te chuan inneih an tum hnai nia tarlan a ni. Fa pahnih nei tawh mahse innei si loin an khawsa dun a, tunah erawh inneih lam an tintuah ve dawn ta niin khawthlang media ten an tarlang. 

Kum 24 mi Kylie Jenner hian diamond ring a bun tih social media lama a thlalak tarlan atangin an lo hmu a, hei hi inhualna zungbunah an ngaihsak a ni. Birkin bag chunga kut a dah thlalak chu Instagram story-ah hmangin, a zungbun hi chiang takin a lang a ni. Hetih rual hian Kylie leh Travis te hi innei tur anga sawi an nih vawi khatna a ni tawh lo tih erawh hriat tel a tha. 

'Keeping Up with the Kardashians' star Kylie leh American rapper lar Travis Scott te hi 2017 atangin an inzui tan a, a tirah phei chuan sawi neuh neuh a tam hle a nih kha. An inkawp atanga kum khat em pawh a liam hmain February 2018 khan fanu Stormi an nei a, kuminah an fa pahnihna Wolf a piang leh bawk. An inkar erawh a tha reng bik lo - hun eng emaw chen an inthen a, tunah erawh an inkar a tha leh tawh a, inneih hial an tum ta niin a lang.