September 16, 2023; 'Mizo Leikapui lalpa' tih hial tura, tun thleng a ngaihsan leh ngaihhlut la hlawh, Lallianmawia Pachuau kum 60 na chu ropui tak a lawm tum a ni.

October ni 2, 2023 Thawhtanni hi, Lallianmawia Pachuau piancham vawi - 60 - na a lo ni dawn ta a, Lallianmawia Pachuau Memorial Society Executive Committee thukhawm chuan, Lallianmawia Pachuau Hall - Zawlnuam ah ngei lawmna neih ni se tiin a rel.

He hun kal thei tur Lallianmawia ngaisangtu te chu Ni 24 /09/ 23 - Pathianni thlengin in report theih a ni a, kal man tur hi Lalrindika Ralte, MLA Hachhek Constituency in a tum dawn a ni.

October ni 2 zan ah a, Birthday lawmna Concert ropui tak a neih tum a ni a, he mi zan hian, Lallianmawia Pachuau chenna Inpui chei that nan bawm dawh tur a ni bawk.

A hla zawng zawngin ngaihhlut leh ngaihthlak tun thlengin a la hlawh a, thu leh hla lam a miril ten a hla thu te tun thlengin an la zir/chai bawk. Ani ang a zaithiam, hla phuah thiam, huhang ngah, a hla ngaihthlak a a hla thu a chen loh theih loh hla tha phuahtu leh satu hi Mizote awmna apiang ah chuan daih ni a awm lovang.