February 12, 2024; Land Revenue and Settlement Department chuan kawng hrang hranga hma a laknaah lang tlang, dik leh felfai zawka hna kalpui a tum thu leh an department-a thawktu te chu dan in a phut bak pawisa leh thildang la an awm chuan report theih a nih thu a sawi.

Land Revenue and Settlement Department hian hriattirna tichhuakin Mizoram (Land Revenue ) Act, 2013 leh Mizoram (Land Survey & Settlement Operation) Act, 2001 leh heng

dan hnuaia Rules in a sawi ang a sorkarin lei man, chhiah, thil man leh a dang a bituk zat bak Land Revenue Department hnuaia thawk te'n tu hnen atang mahin pawisa leh thil dang an dilin an phut tur a ni lo a, an la tur a ni lo a ti.

Land Revenue and Settlement Department a thawktu pawhin tu hnen atang pawha Danin a sawi bak pawisa leh thil dang an lo la a nih chuan an chungah dan angin hremna lek kawh a nih tur thu an thuchhuah- ah an tarlang a.

Mi tupawhin, Land Revenue & Settlement

Department-a thawkte'n Dan in a sawi bak pawisa leh thil dang, tu hnen atang pawh a dil emaw phut emaw la emaw hria an awm chuan Directorate Of Land Revenue & Settlement Joint Director hnenah thlen ngei turin mipui an ngen a ni.