DOWNLOAD OUR APP

Read latest news on your phone
app-store
LEIVERH CHIM: Ruahmanna thar nen mi tang lak chhuah tum tha leh
Nov 27, 2023

Indian thuneitute chuan Uttarakhand-a leiverh chima tang thawktu mi 41-te chhanchhuah hna a thawh mekah ruahmanna lian berin harsatna a awm avangin ruahmanna thar nen hna an kalpui tan leh mek.


Chhanchhuah hna thawktute hian leiverh hnawhtu lei leh thil dang tlate hi a vang zawnga verh tlang tumin an bei ngar ngar a, an verh tlang hunah tangte vahchhuahtir an tum.


Zirtawpniah khan he hna thawh hi a verhna khawl (drilling machine) a chhiat tak avangin chhunzawm theih a ni tawh lo.


A chhunga tangte hi an chhuahna tur lei minin a hnawh vek avangin chawlhkar hnih zet an tang tawh.


Anmahni chhanchhuak tura beihpui thlak hi a hautak hle a. Lei a nghet lo va, lung lianpui pui a tam bawk si a, thir a tam bawk a, verh tlang a har hle a ni.


Zirtawpni khan chhanchhuah hna thawktute hian an drilling machine chu a chhunga thir nen an inneknaah a chhia tih an sawi a, hna a thawk zui thei tawh lo.


A chhungah khawl hi a tang nghal a, hei hi Thawhtanni tuk khan lak chhuah fel a ni tawh.


Hetih mek lai hian mi tangte chhanchhuah nan hian a vang zawng ni lovin, an awmna zawn pawh thla tura a chhuk zawnga an chhuahna tur verh hna thawh leh mek a ni.


Hei bakah hian thuneitute chuan kawng dang dapin khawlin a verh tawh chin bak chu kutlawnga hai hna pawh thawh mek a ni tih an sawi a, hei hi hai pawh hmasak zawk a nih theih takin tih thu-ah a ni.


A chhuk zawnga verh tur hian Uttarakashi district-a leiverh siamna, Silkyara tlang chhip atangin verh a ngai a ni.


Thuneitute chuan kawng an siam fel tawha a, tlang chhipa tanhmun tur pawh an siam tawh.


Mi tangte pawh tur hian metre 86 zet verh a ngai dawn a, a vang zawnga an verh mek (metre 46.6) let zeta thui an verh a ngai dawn tihna a ni.


Thawhtanni tukah khan thuneitute chuan a vang zawnga an verh hi metre 31-a thuk an verh tawh niin an sawi.


National Highways & Infrastructure Development Corporation-a hotu, chhanchhuah hna thawhnaa hotu ni bawk, Mahmood Ahmed chuan ‘harsatna dang an hmaah a awm loh chuan’ darkar 100 vel a chhuk zawnga verh pawp tur hian hun an duh dawn tih a sawi.


An ruahman dan hi tluang taka a kal thei a nih chuan mi tangte hi bawm (bucket) hmangin khai chhuah an ni dawn tih The Hindu chanchinbu chuan a tar lang.


Thuneitute chuan Himalaya tlangdungah hian khaw awm dan a mumal lo hle a, ruah tam tak sur bakah vur tla thei reng a ni a, hei hian thil a tikhirh zual thei niin an sawi lawk a. Heng thil hi a lo thleng a nih pawhin hmachhawn turin an inpeih tih an sawi tel thung.


Tun thleng hian thuneitute chuan metre 60 zeta chhah leiverh hnawhtu kaltlang hian pipe eng emaw zat, intiat lo tak tak an rawlh lut a, hengte hi mi tangte an tawlh chhuah theihna a nih beiseia ti an ni.


Hei bakah hian tlang pang atangin metre 180 zet verh hna thawh turin ruahmanna a awm bawk a, hei pawh hi kawng danga lak chhuah theihna a awm theih tak hlauhvin an tih vang a ni.


Pathianni khan tanhmun tur pawh peih a ni tawh a niin The Hindu chuan a tar lang a; mahse, thuneitute chuan a verh hna thawh a ni tawh em tih an sawi rih lo.


Chhanchhuah hna thawktute hian an beihna hmasa ber, a vang zawngah an verh tawhah metre 34 an verh pawp tawh a, metre 12 vel chauh a awm tawh tihah an khawl a chhia.


Khawl tang lak chhuah thleng thawk zui lova nghah a nih hnuah tunah hian a bak la hai pawp loh hi kutlawnga hai turin ruahmanna an siam tel bawk.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh