Lenhmui thatna hi chu i hre fo tawh thinin a rinawm, chutih rualin ei pawlh tur leh ei hun kan hre lo a nih chuan kan hriselnain a tuar hlauh thei thung. Lenhmui rah lai a ni bawk a kan fimkhur nan aw!

1. Lenhmu i ei zawhah tui in nghal suh
Lenhmu ei zawh veleh a tui innghal hian kawthalo bakah pum nuam lo a siam thei a, chuvangin lenhmui ei zawh hian i tui hal hle mahse minute 30 atanga minute 40 vel tal nghak hram thin ang che.  

2. Pum ruah laia ei loh tur
Pum ruah laia lenhmui ei hi hriselna atan a tha lo hle bawk. Lenhmui hi a hmin thalo chu a phak deuh a, hei hian pum chhungah acid a siam a, pum na leh thin vilh thlengin a siam thei. A thei hram chuan lenhmui hi chaw ei khamah emaw pum ruah loh laiin ei hram thin ang che. 

3. Aieng nen a inhal
Poonam Duneja, Nutrify and Wellness Clinic, director chuan aieng nena lenhmui ei pawh hi a remti lo bur bawk. Lenhmui leh aieng ei pawh hian taksa leh pum lamah harsatna a thlen thei a ni. Chuvangin, aieng telna lam chi chawhmeh i ei tam a nih chuan lenhmui i ei hmain darkar chanve tal nghak phawt rawh. 

4. Bawnghnute nen ei pawlh loh tur
Bawnghnute in zawh emaw dairy product lam chi ei zawh hlima lenhmui ei nghal hi a tha lo hle bawk. Duneja chuan lenhmui ei zawh ve leha bawnghnute in hian pumah gas a siam duh bakah pum na leh ra so thlengin a siam awlsam hle niin a sawi. 

5. Pickle nen pawh a inmil lo
Mi tam tak chuan chaw ei naah pickle kan chhawp thin a, kan ei bawk thin. Mithiam te chuan pickle leh lenhmui hi a inmil lo hle tih an hmuchhuak. Pickle leh lenhmui ei pawl hian pum lamah harsatna lian tak a thlen thei a ni.