ZALEN, May 11, 2025: Vawiin chawhnu dar 02:00 vel khan Johan Malsawmdawngkima (35) s/o Lalkhama Hnahthial chu lirthei chesualah thi.

ZALEN thudawn danin Johna hi NHIDCL hnuaiah balu supply thinin Sunday pawh an awl lo a, vawiin khan Hnathial District chhung Rotlang East leh Saibu inkarah a balu phur haw lam chu ama truck khalhah chesualin truck hian a delh a, chetsual thu hriat a nih veleh a bul vel khaw mite'n buaipui nghalin a hmunah hian ka pawh chhawn lovin a thi.

A ruang hi Hnahthial District Hospital-ah post mortem nghal niin a nupui leh fa pathum te nen Zemabawkah cheng mêkin Pathianni zan hian an khua Hnahthial, Chanmari Veng ah an unau zinga upa ber Malsawmtluanga tein ah tlaivarpui a ni ang a, Thawhṭanni chhun dár 12:00-ah vui tur a ni ang.