Loneitute khuang leh lâmin mahni hmunah

Admin - Dec 12, 2021

Loneitute khuang leh lâmin mahni hmunah

Lo neitute hian thla 15 chuang mah awmhmun khuar nana an lo hman chu thiatin an chhuahsan a, an duh ber nawr chhuaka haw tur an nih hlawm avangin hlim takin, zai leh lâm chunga kawng zawh chungin an chenna in lam an pan hlawm.

    Tractor-ah hnehna hla tiri ruai ruai chungin Singhu-a dan duh lohna an lantirna hmun chu an chhuahsan a. An kal dawn hian thenkhat chuan ‘havans’ an ti a, ‘kirtans’ hla an san a. Hnehna lawm ni awm takin ‘bhangra’ sain an lâm bawk.

    Lo neitu pung khawm zinga a tam ber hi Punjab, Haryana leh Uttar Pradesh-a mite an ni a. An inthendarh dawnah hian an inkuah a, an duh ber an nawr chhuah avanga lawm takin an inlawmpui a, kum khat chuang awmho tawh an nih hlawm avangin an inngaina hlawm hman hle tih a lang.

    “A lungchhiatthlak angreng zawk a. Hetiang hian harsa taka kan beih hnuah inpawhna tha tak nei chungin mahni in lam kan pan leh dawn tih hi kan suangtuah phak loh a ni a. Tun tuma lungawi lohna kan lantir hi kan hriat reng tawh tur thil a ni,” tiin Ambala-a lo neitu, Gurvinder Singh chuan lungawi lohna an lantirna hmun pathum zinga a pui ber, Singhu a chhuahsan dawnah a sawi a. Lo neitute hi Tikri leh Ghazipur-ah an inhawr khawm bawk.

Share now