ZALEN, May 26, 2025: LPS Vision Production chuan Mizo zinga theihna neite inpho chhuah nan talent nei tha zawnna, ‘Mizo Talent’ a buatsaih dawn a, he TV reality show-a tel duhte tan June 3, 2025 atangin LPS Office, Zarkawt, Aizawlah form a lak chhuah tan theih dawn.

Mizo Talent-ah hian intihsiakna tur category paruk - zai, lâm, instrumental music, magic show leh acrobatics te a awm dawn a. Heng category hrang hrangah hian mi mal leh pawl (group) ang pawhin a inlan theih dawn a, comedian-ah hian stand-up comedian tan tel theih a ni ang.

Mizo Talent-a tel duh leh hriat chian duh nei tan pawh LPS Office-ah hian a zawh chian theih.

Ngaihhlut hlawh tak tura rin, Mizo Talent-a pakhatnain Rs. 2,00,000 a dawng dawn a, Top 10-a tlingte tan lawmman tha tak tak awm dawn bawk.

LPS Vision hian TV reality show hlawhtling tak tak a lo buatsaih tawh thin a, nikum khan hlawhtling takin Youth Icon leh LPS Profight an buatsaih leh a. Tun hnaiah pawh Mizoram Volleyball Association (MVA) nen Pro Volleyball League 2025 hlawhtling takin an buatsaih leh bawk.