September 16, 2023; Tunkar Thawhlehni zan dar 9 rik hma deuh a Lalhmingmawia (54) H/o Rozingi, Dinthar, Aizawl, Tuikual lui lianin a lak ruang ni ngei a hriat chu vawiin chawhma dar 11 vel khan hmuh a ni.

ZALEN thudawn danin, vawiin chawhma dar 11 bawr vel khan R. Mala huan kai (Sairang Dinthar), Buichali lei kai bawr vel ah mipa ruang tu tih hriat loh chhar a ni a, ruang hi finfiah a nih hnuah F. Lalhmingmawia ruang ngei a ni tih hriat a ni.

Ruang hi Sairang Dinthar YMA hall ah lak a ni ang a, thlahna hunte hman zawh a nih hunah an veng panpui a ni ang.

Tunkar Thawhlehni zan khan Tuikual lui lianin an kawmthlang a an vawk vulhte'n harsatna an tawh a buaipuina lamah vanduaina tawkin lui lianin a la a ni.