ZALEN April 21, 2025 : Deputy Chief Minister hlui Tawnluia chuan MNF Sawrkar liam ta a PHED atanga a hmalakna 'Agreement of Lunglei WSS' chungchang a sawi a, Lunglei khawpuiin tui in tur (water supply) kham khawp a neih theihna turin tuna an neih mek bakah Mat lui tui Sairep tlang a pump chhoh a, Lunglei khawpuia gravitation a pek thlak turin project WAPCOS DPR an siam hmangin Union Ministry-ah theh luh a ni tawh a ti.

PHE Minister hlui chuan, an project man a san deuh avangin ennawn that leh a ni a. He mi a puitlin hma hian hman lai chu nasa tak siam thata thuam that a ni. Lunglei tui tlan Pialthleng thuam thatna a MNF Ministry hmalakna chu vawiin khan Mizo Hnam Run, Aizawl-ah a sawi.

Special Assistance to State for capital expenditure(SASCE)

Kum 2022-ah Tlawng hnar Zobawk WSS tih changtlunna atan SASCE atangin Cheng nuai 500.00 hmuh a ni. Heng te hi thawh zawh tawh a ni.

i). Tuizem lian litre nuai 5 dawng siam a ni.

ii) Water treatment plant thar siam a ni.

iii) Side office building thar sak a ni.

iv) Distribution pipe line siam a ni.

v) Gravity pipe line thar siam a ni.

vi) Tlawng hnar Recharging Dam ₹ 1.76 crore man siam tumna erawh chu Riverine Reserve a nih thu Forest Department lamin an sawi avangin Forest clearance pek theih a ni lova, hnathawh chawlhtir (stay) rih a ni.

Kum 2022 ah improvements of existing Greater Lunglei WSS atan hian SASCE atangin ₹ 500.00 lakhs hmuh a ni a. Hengte hi thawh zawh a ni bawk.

I) Pialthleng a tui pump khawl thar pathum(3) lei a ni.

ii) Theiriat Vaituilak pump thar lei a ni.

iii) Vai tui khuah thar a ni.

iv) Pumping Main Pipe thar lei a ni.

v) Distribution pipeline

vi) Ramzotlang atanga Zonal feeding main pipe thar siam a ni.

Tlawng tuilakna hmun pui ber (Pialthleng) a tui lakna khawl thar pathum hmang hian Tlawng-ah Tui Pump tur awm se, Lunglei khawpui chawm thei tur Tui Pump thei tura ngaih a ni.

A sawi zelnnaah Tawnluia chuan, AMRUT 2.0 atangin kum 2023-24 ah improvement of Sotces & Extension of Distribution system for Greater Lunglei WSS atan ₹ 997.78 lakhs hmuh a ni a. MNF sawrkar laiin hnathawh tan hman vek a nih thu tarlangin he project hnuai a hna tan hman hmingte pawh a tarlang nghal. Chungte chu.

i) Tuihnai tihpunna lam leh Tui hnar thianghlimna lam hawi Gabion structure siam a ni. Chungte chu Tlawng lui leh Tlawng lui fintu lui 5 ah te an ni.

ii) Mizoram Polytechnic Complex ah Tuizem lian 5( Litre nuai 10 dawng) siam a ni.

iii) HATIM Complex ah Tuizem lian pathum( Litre nuai 3 dawng) siam a ni

iv) RCC Tuizem lian pahnih (Litre nuai 5 dawng ve be) Kawmzawl PHED Complex-ah leh Centenary Lungphun bul Pukpui-ah siam a ni.

v) Pialthlengah duty riahna tur dormitory building, Tlawng kamah Side Office leh Duty room sak a ni.

vi) Kawmzawl/Pukpui a Distribution pipeline siambelhna thawh a ni.

vii) Pialthleng hmun a Tlawngluikhuah impounding Dam ₹ 7.4 crore kan ruahman fel sa vek tawh pawh tun sawrkarah contractor in thawk mek. He tuikhuah hian thal tuikang laiin tui hman tur litre maktaduai 200 vel fur laiin Thal lai a hman tur a khawpkham thei dawn a. Lunglei tui harsat lai thal laiin mamawh a phuhruk thei ang.

viii) Lunglei tuilak kawng(Pialthleng) km 11.5 black top a ni.

MNF sawrkar laiin Upgradation of Greater Lunglei WSS atan hian SASCE hmanga thawh turin pumping main -Pialthleng to Ramzotlang a thar a siam te, treatment plant siam te leh pump set thar lei te, distribution line siam thar etc. te ruahmanna scheme siam vek a ni. Inthlanin a nang zui ta a. Sawrkar thar kutah engkim a awm tak avangin an puitlin ngei theih nan duhsakna an hlan.