New Zealand putar chu motorcycle intlansiaknaah a kum  98 tlin nan chawlhkar thum chauh a awm tawhin a tel ve a, Guinness World Records chuan motorcycle intlansiaka tel thei upa ber tiin a chhinchhiah.

A ber kaite chhinchhiahtu pawl hian kum 98 ni tawh, Leslie Harris-a hi kumin kum tir lamah khan Auckland-a Pukekohe 43rd Classic Motorcycle Festival-ah a tel ve tih an sawi.

Harris-a hi intlansiaknaah hian a fapa upa ber, kum 64 mi, Rod leh a tunu kum 21 mi, Olivia te nen an telho a ni.

An pathum hian Regularity race an tih, tlankawng tlan chhuah hun inang tlang taka tlan chhuak nguna inelnaah an tel a ni.

Harris-a hi kum 2019 pawh khan kum 93 mi niin a lo tel tawh a; mahse, a hnu lamah hian a inhliam avang leh COVID-19 avangin a inlan zui ta lo.

Kuminah hian palina dinhmun a la hauh phak a. A fapa chu pariatna niin Olivia-i chu 21-na a ni ve thung bawk.

Harris-a hian kumina intlansiakna tur dang la awmah pawh la tel a tum thu leh nakuma Pukekohe Classic Motorcycle Festival-ah pawh la tel hial a tum thu a sawi.