Israeli fast food restaurant pakhat chuan robot-in a siam leh a chhum vek, thlai atanga siam ei tur chu an thingpui dawrah an zuar!

Sa lam ei tur siamna lama hriat hlawh tak thin, tun hnaia thlai lama huang zauh ta, SavorEat-a an CEO, Racheli Vizman chuan, “Tun hi khawlin ama thu ang thlapa humburger a siam hmasak ber a ni,” a ti.

Anmahni dawrtute chuan online hmangin an thil ei duha thlai lam leh thauna lam pawlh tur zat an sawi lawk thei a, a tiat leh eng anga chhum tur nge tih pawh an sawi lawk thei.

Oven lian tak tiat vel khawl ei siamtu, robot chef chuan an duh ang takin chi thumin a lo siamsak a, a burger tak erawh chu thawktu dang, mihringin an siam ve thung.

Ei tur an pawlh zingah hian bean, alu leh chickpea pawh a tel a, a lan danah phei chuan sa ang chiah a nih theih thu Vizman-i chuan a sawi a. Ani hi kum 2018 atanga Hebrew University of Jerusalem-a professor pahnih nena ei in siamna dawr bul tan hi a ni.

Tuipui kama khawpui, Herzliya-a an BBB thingpui dawrhah hian robot hian reilo te chhungin ei tur hi a peih hman tih a sawi.

Israeli zinga 5% vel hi thlai ei mi an ni a, mi dangte chu sa lam ei an ni a. Tun hnaiah thlai leh sa ei pawlh hi an pung hret hret a ni.