Pitar kum 72 mi chuan America ram chu hmar a\anga chhim zawnga thirsakawr hmanga ni 43 chhunga tlan chhuakin hetiang ti thei upa ber niin Guinness World Record thar a siam.

Guinness World Records chuan Lynnea Salvo-i hi kum 72 leh ni 27 mi niin mel 2,083-a thui a inkhalh a. A zinkawng hi San Ysidro, California-ah a khar a ni.

Salvo-i hian a zinkawng thui tak hi Pacific tuipui kam hrulah zel zawhin GPS hmangin, Peace Sign project-a neiin United States leh Canada a suartluan a ni.

Cyclist upa tak tawh hian a hmain America tlawh chhuak thei upa ber nihna a lo chelh tawh a, Oceanside, California atanga a inkhalh chhuak chu Bethany Beach, Delaware-ah a tawp a, hetih lai hian kum 67 mi a ni.

Hei bakah hian Salvo-i hi thirsakawr hmanga Canada tlan chhuak upa ber niin kum 680 leh ni 340 mi a nihin kum 2018 khan a lo inkhalh chhuak tawh.

“Record ka siam hi speed aiin kum tam lam a ni a, ka inkhalh chak lo va, inkhalh chakte angin ka chau lo,” tiin Guinness World Records a hrilh.

Peace Sign project a kalpui hi a nuta, John Thomas West puala a tih niin kum 28 lek a nih laiin thlawhna tlaah Laos-ah a thi a ni.