Malaysian Prime Minister hlui Najib Razak chu eiruk thubuaiah thiam loh chantir a ni a, kum 12 chhung lungin a tang dawn. Najib Razak hi Court chuan July thla khan thiam loh a chantir a, khinglet mah se hnehna a chan zawh loh avangin jail bang a zut dawn ta a ni. 

Kum 69 mi Najib Razak hi jail-ah thawn luh nghal a ni a, PM a nih laia thuneihna a hman dan dik tawk lo avangin hun thiam tak a hmachhawn ta a ni. Najib hi 1Malaysia Development Berhad (1MDB) sum thahnem tak ama account-a thunah puh a ni a, a sum eiruk hi $mtd 9.4 zet a ni. Kum 12 chhung hreawm taka lungin a tan dawn bakah,  $mtd 46.8 zet chawi tura tih a ni bawk. 

Najib-a aiawha ding a ukil chuan rorelna dik a awm theih nan Chief Justice Tengku Maimun Tuan Mat chu ban turin a lo ngen tawh a, mahse a ngenna hi a hlawhtling lo a, thiam loh chantir an ni zui ta a ni. 

Najib bin Tun Haji Abdul Razak hi politician challang leh thil tithei berte zinga mi niin, April 2009 khan Malaysia Prime Minister parukna atan lakluh a ni a, May 2018 thleng khan he dinhmun hi a luah a ni. A pa Abdul Razak Hussein pawh an ram PM lo ni tawh a ni.