Mamit Luangpawl ah tualthahna : Rokimi leh a tupa ruang hmuh a ni
Tukin dar 6 bawr vel khan Mamit Luangpawl ah Rokimi (51) leh a tupa Mark Lalawmpuia (7) mite chu an in chhungah thi a hmuh an ni a, a lan danah mi kut tuar an nih rin an ni a, chiang taka hriat theih la ni lo mahse an pa ber Liantea chu rinhlelh kai ber niin, he thu ziahlai thleng hian a awmna chin hriat a la ni lo.

December 7, 2022; Tukin dar 6 bawr vel khan Mamit Luangpawl ah Rokimi (51) leh a tupa Mark Lalawmpuia (7) mite chu an in chhungah thi a hmuh an ni a, a lan danah mi kut tuar an nih rin an ni a, chiang taka hriat theih la ni lo mahse an pa ber Liantea chu rinhlelh kai ber niin, he thu ziahlai thleng hian a awmna chin hriat a la ni lo.
Mamit atanga ZALEN thudawn danin pawikhawihna thlen hun hi tukin dar 1 leh dar 3 inkar bawr vel nia rin niin, nizan lam khan an pa ber Liantea hi in ah a awm nia hriat a ni a, tukin lamah erawh a awmna chin hriat a ni lo a, thihna thleng chungchangah pawh hian rinhlelh kai ber a ni.
An chhungkua hi tuk dang aia an thawh tlai deuh avangin mi thenkhat ten an chinchang an ngaihven a, chhuat a thisen baw nuai leh ruang an hmu a, an bulah hreipui thisen kai a awm nia sawi a ni bawk.
He thil thleng hi Mamit police te pawhin a hmunah kalin an enfiah a, thubuai ziahluh niin, ruangte hi vawiin ah postmortem an ni ang a, ruahman danah chuan chawhnu dar 1 ah vui tur an ni.
Thudawnna in a sawi danin, Rokimi leh a pasal Liantea hi kum 2 kalta vel a innei niin fa an nei dun lo a, Mark Lalawmpuia hi Rokimi tupa (a fanu a fapa) a ni.
Latest News
-
Police-in lie detector report zirchianna ngaichang mek
2m | Jan 29, 2023 -
February 8-ah Dy. Speaker thlang dawn
1m | Jan 29, 2023 -
CM leh G20 Chief Coordinator Harsh Vardhan ten G20 thlen dan tur sawi
2m | Jan 29, 2023 -
Airtel leh Reliance Jio ten 5G pek thuai an tum
2m | Jan 29, 2023 -
Thalaite hi kan ram leh hnam hmalam hun neitute in ni -Rindika
1m | Jan 29, 2023 -
India-in Ladakh-ah China nena nasa zawka inep ring
3m | Jan 29, 2023