Manipur inthlan thawh hnihna, Inrinnia neihah Karong biala buaina chhuak hmeh mih nana venhim hna thawktuten silai an hmeh puahah mi pakhat a thi.

Inthlan thawh hnihna hi bial 22-ah candidate 92-in an chuh a, district 10 huam chhungah neih a ni.

Inthlanah hian tlai dar 4:00 thleng khan vote 75% a tla.

Inthlan neihna hi Thoubal district bakah Naga tamna tlangram pawh a tel a. BJP tan chona lian tak a tling.

Heng district-te hi Naga People’s Front (NPF) leh Congress chakna a ni a. Bandh leh blockade tam tak lo thlen tawhna a ni.

Election Commission chuan inthlana buaina chhuah loh hi a duh ber a ni a. Tun tuma Manipur inthlan hi kil hrang hrang atanga chuhin BJP chu a mala dingin bial tin an chuh.

Thawh hnihnaah hian candidate langsar zingah chief minister vawi thum lo ni tawh, Okram Ibobi Singh leh deputy chief minister hlui, Gaikhangam Gangmei te pawh an tel.

BJP hian chuhtu mi 22 an nei a, Congress (18), National People’s Party (11), Janata Dal (United) leh Naga People’s Front (10 ve ve) an awm bawk.

Polling station tinah webcasting leh videography dah vek a ni a central force tam tham tak an nei bawk.

February 28 khan a thawh khat nan bial 38, district parukah neih a ni tawh a. Station 12-ah inthlan that tura tih a ni a. Vote tlate hi March 10-ah hian chhiar a ni ang.