Maharashtra Congress chuan Zirtawpni khan Governor Ramesh Bais hmuin president hnenah an party thil phut, Manipur buaina a tawp theih nan sorkar chu thiat tura an tih chu thlensak turin an ngen.

Congress aiawhte hian Bais hnenah hian memorundum an thehlut a, an party state unit working president Naseem Khan hovin niin hnam tlem zawk, Kristian pawl leh tribal hruaituten an tawiawm bawk.

“Manipur-ah hian thla hnih chuang mihringin chhiatna tam tak an tawk ta a. Ram leilung fate inkara tharumthawhna thleng hian nunna tam tak a la tawh a, chenna in tihchhiat leh mi tam takin an in leh lo tlanchhiatna a thlen a ni,” tiin an memorandum-ah hian an ziak.

Prime Minister Narendra Modi a ngawi tlat a, Union Home Minister Amit Shah-a tlawh pawhin muanna a thlen lo niin an tar lang bawk.

Hei vang hian Manipur sorkar chu thiat tura ti mai turin president chu an ngen tih an sawi.