ZALEN April 9, 2025 : MSU General Headquarter chuan vawiin khan Lengpui Airport-ah Manipur Zohnahthlak MLA, Adviser to CM ni bawk Vungzagin Valte, Meitei te kuttawrh vanga rei tak Delhi-a inenkawl chu Aizawl rawn thlengin an lo hmuak. Hmuahna hun hi MSU Vice President Roluahpuia, chuan kaihhruaiin, Adviser to CM H. Ginzalala, MLA (Mizoram) chuan thu a sawi bawk.

Vungzagin Valte chuan hetianga ropui taka lo hmuaktu MSU te chungah leh Hnam Pual hruaitute chungah lawmthu a sawi a, Delhi atanga Manipur direct lova Aizawl a rawn luh hmasak chhan chu Mizoram sawrkar leh mipuite chungah lawmthu sawi a duh vang a ni a ti.

H. Ginzalal chuan hetiang hmuahna program bultumtu MSU te chungah lawmthu a sawi a. Zohnahthlak te tawrhna hi nakina Zofate min la suihkhawmtu leh, tawrhna lawmawm anih ngei a beisei thu a sawi. Vungzagin te chhungkua pawh a tawrhpui zia leh he tawrhna hi tawrhna malsawm leh lawmawm zofate tan a ni dawn tih an thinlung ah vawng tlat se a duh bawk a ni.

MSU chuan Manipur-a Zofaten chhantu Zohnahthlakpui MLA huaisen tak an nei hi an chhuang a, dam leh hrisel taka an in leh lote an thlen theih nan duhsakna an hlan bawk. MSU chuan mahni ram hruaitu rawng taka kutthlaktu meitei te chu a dem a, hetiang thil hi thleng nawn tawh lo se an duh tih an sawi a ni.

Vungzagin Valte dam taka Mizoram a lo thleng leh lawmna atan hian Dr. Vanlalthlana H&TE Minister pawhin thilpek a hlan a ni.