Zohnahthlak Tripura leh Assam-a cheng ten Manipur Zohnahthlakte tanpui.

September 9, 2023; Manipur-a Zohnahthlak awm ten tuhnaia harsatna namen lo tak an tawh avanga tanpuinan Tripura leh Assam rama awm Zohnahthlak hnam hrang hrangte pen chhuakin tanpuina sumfai Central YMA-ah an chhunglut.

Nimin khan Hrangkhol Welfare Society, Zion, Halflong ten Manipur Zohnahthlakte tanpui nan Rs. 2,10,000/- ann hlan bawk a. Vawiin chawhma dar 10:30 khan Central Young Kaipeng Association leh Mizoram Kaipeng Welfare-te tangkawp in ₹1,00,000/- Central YMA kutah an hlan bawk a ni.

Ranglong leh Molsom hnam te pawhin tanpuina hi Central YMA kutah hian an lo hlan ve tawh bawk.

Zohnahthlakte tanpui kan ngaihna kawng hrang hranga kan in tanpui tawn thinah Central YMA chuan lawmthu a sawi.