Maruti Suzuki chuan kumin khan an S-Presso chu a engine leh a features thenkhat ti danglamin an siam thar a, Renault lirthei zingah chuan  Kwid hi a that dan leh a man ngaihtuah chuan vantlang tana ngaihzawn awm ber pakhat a ni ve bawk 

2019-a Maruti Suzuki siam chhuah S-Presso hi India market-ah chuan a man nena in phu tawk tak a ni bawk. A chhan pakhat chu SUV pian ang puin a chhung a nuam bawk a, a thil ken tel te nen a tha ve tawk khawp mai. Chutia hralh tla ve tak a nih lai chuan a chau tawk tak mai Kwid a rawn chhuak. 

S-Presso leh Kwid te hi an thatna leh that lohna i han belchiang dawn chhin teh ang.

An man chungchang khaikhinna
2022 S-Presso hi cheng nuai 4.25 atanga intanin cheng nuai 5.99 thleng man a awm a, Kwid thung hi cheng nuai 4.64 atanga intanin nuai 5.99 man thleng a awm thung. A model hniam atanga teh chuan S-Presso hi cheng 39,000 velin a hniam zawk a, a class sang hovah chuan an man a inang thung. 

A engine lam ve thung
S-Presso-ah hian petrol engine duh thlan tur a awm lo va, 2022 hian 1.0-litre, K12C engine-in an rawn update. A maximum power chu 68 Ps leh torque-ah 90 Nm a ni. A gear hi speed 5 niin petrol liter khat hian km 24.12 atang 25.30 thleng phak tur a chhut a ni. 

Renault hian Kwid-ah hian pertol engine pahnih duhthlan tur an nei thung. 0.8 litre unit leh 1.0 litre unit. 0.8 litre engine hian 54 PS leh 72 Nm a pechhuak a, 1.0 litre hian 68 PS leh 91 Nm a pechhuak thung. 
Petrol litre khat hian km 20.7 atanga km 22 thlenpui tur anga chhut a ni. 

Ziak lamah chuan Kwid leh S-Presso hian power output leh torque inang an nei a, an transmission hman pawh a intluk chiah. A fuel bikah chuan S-Presso hian Kwid aiin a heh lo deuh zawk a ni. 

A chhung thuamna
An pahnih hnih hian a chhung an thuam vel dan a changkang a, a mawi em em a ni. Digital instrument cluster bakah ORVM adjust thei an hmang a, air condition an niin airbag pahnih an nei ve ve. A break-ah ABS (EBD) an hmang a, overspeed alert leh hnung lam hmuh theihna parking sensor a awm ve ve bawk. Kwid hian touchscreen inches 8 a neih laiin S-Presso erawhin inches 7 chauh a nei thung. An pahnihin Android Auto leh Apple Carplay a support bawk. Kwid hian thil pali-ah power a hmang a, a kawngkhar bakah LED tail lamp leh chhun a LED lam te a nei.

Kwid ke kual hlai zawng hi 2,422 mm a nih laiin S-Presso hian a hmang hniam deuh zawk a, mm 2,380 a hmang thung. S-Presso aiin Kwid hi 4 mm in a lian hret a, mahse a kar hlat zawng hi a tlem hle nachungin a danglam tam lo.